NATO: Прымусовая пасадка рэйса Ryanair у Мінску — «сур’ёзны і небяспечны інцыдэнт»

У NATO заявілі, што прымусовая пасадка рэйса Ryanair у Мінску з’яўляецца «сур’ёзным і небяспечным інцыдэнтам», які патрабуе міжнароднага расследавання.

«Беларускія ўлады павінны забяспечыць бяспечнае вяртанне экіпажу і ўсіх пасажыраў у Вільню», – сказаў прэс-сакратар NATO.

«Мы ўважліва адсочваем прымусовую пасадку ў Беларусі самалёта Ryanair, які ляцеў з Афін у Вільню, і паведамленні пра затрыманне апазіцыйнага дзеяча Рамана Пратасевіча», – дадаў прэс-сакратар NATO, якога цытуе Свабода са спасылкай на Reuters.