Ноччу напалі на будынак Курыі ў Мінску

Невядомыя кідалі ў дзверы бетонныя вазоны для кветак. Пашкодзілі ўваход, пабілі дамафон.

Гэта «адміністрацыя» Касцёлу ў Беларусі. Яна месціцца побач з будынкам найгалоўнага касцёлу – Катэдры Найсвяцейшай Панны Марыі ў цэнтры Мінску, на вуліцы Рэвалюцыйная, 1.
Невядомыя кідалі ў дзверы бетонныя вазоны для кветак. Пашкодзілі ўваход, пабілі дамафон.
Таксама пашкодзілі аўтамабіль пробашча касцёлу, ксяндза Антонія Клімантовіча.
Па легкавіку білі цаглінамі, раструшчылі лабавое шкло.
Дворык, дзе стаяў прыпаркаваны аўтамабіль, знаходзіцца ў непасрэднай блізкасці ад ГУБАЗіК, на яго выходзяць камеры назірання.
Гэта адбылося ў ноч пасля таго, як біскуп Юры Касабуцкі выступіў у падтрыманне парталу TUT.by.