Палац князёў Друцкіх-Любецкіх адкрыўся пасля рэстаўрацыі ў Шчучыне

Адкрыццё адбылося ў рамках Дня беларускага пісьменства 6 верасня.



Адкрыццё адрэстаўраванага палаца князёў Друцкіх-Любецкіх адбылося ў нядзелю, 6 верасня ў 11:00 у Шчучыне, дзе праходзіць Дзень беларускага пісьменства.

Да свята ў горадзе таксама адкрылі кнігарню і адрамантавалі бібліятэку імя Элаізы Пашкевіч.

Цяпер у палацы Друцкіх-Любецкіх размесціцца Цэнтр творчасці дзяцей і моладзі.

У рамках Дня пісьменства семярым пісьменнікам Беларусі будзе ўручана першая Нацыянальная літаратурная прэмія.

Дзень беларускага пісьменства праводзіцца штогод у першую нядзелю верасня. Упершыню ён быў праведзены ў Полацку ў 1994-м годзе. Затым яго ладзілі ў Тураве, Навагрудку, Нясвіжы, Оршы, Пінску, Заслаўі, Мсціславе, Міры, Камянцы, Паставах, Шклове, Барысаве, Смаргоні, Хойніках, Ганцавічах, Глыбокім і Быхаве.

Паводле БЕЛТА