Пандэмія каранавіруса: ЗША закрываюць мяжу, а Італія — крамы

Дональд Трамп у звароце да нацыі ў ноч на чацвер заявіў, што ЗША з паўночы пятніцы на 30 дзён закрываюць уезд усім, хто прыбывае з Еўропы. Для Вялікабрытаніі будзе зроблена выключэнне. Тым часам каранавірус працягвае распаўсюджвацца па планеце.

Трамп таксама паабяцаў фінансавыя выплаты работнікам, якія пайшлі на бальнічны з-за Covid-19. У ЗША зарэгістравана 1135 пацверджаных выпадкаў заражэння каранавірусам, 38 захварэлых памерлі.
Сусветная арганізацыя аховы здароўя абвясціла, што распаўсюджванне новага каранавіруса дасягнула стадыі пандэміі. Гэта першая ў гісторыі пандэмія каранавіруса.
Спецыялісты выкарыстоўваюць тэрмін «пандэмія» ў тых выпадках, калі хвароба распаўсюджваецца ў розных кутках планеты адначасова, аднак яшчэ ў лютым прадстаўнік СААЗ казаў, што арганізацыя больш не карыстаецца гэтым тэрмінам, пакінуўшы яго ў мінулым разам з шасцібальнай шкалой ацэнкі выбліскаў захворванняў.
Тым не менш да гэтага часу СААЗ называў выбліск Covid-19 толькі эпідэміяй. Зараз гэта другая на планеце актыўная пандэмія нароўні з ВІЧ.

Італія закрывае крамы

У Італіі, якая займае другое месца ў свеце па колькасці заражаных, уведзеныя беспрэцэдэнтныя абмежавальныя меры. У краіне закрыюцца ўсе крамы, акрамя харчовых і аптэк. Рашэнне ўступіць у дзеянне з чацвярга і застанецца ў сіле да 25 сакавіка, абвясціў прэм’ер-міністр Джузэпэ Контэ.

Таксама будуць зачыненыя бары, рэстараны, цырульні і большасць офісаў. Дастаўка ежы і тавараў на дом не забароненая.
Школы, спартовыя залы, начныя клубы і іншыя забаўляльныя ўстановы па ўсёй краіне ўжо зачыненыя ў рамках прынятых раней каранцінных мер.
У Італіі на раніцу чацвярга амаль прыкладна 12 500 заразіліся і 827 смяротных зыходаў.

У небяспецы 70% жыхароў Германіі

Канцлер Нямеччыны Ангела Меркель папярэдзіла, што каранавірусам можа заразіцца 70% насельніцтва Германіі — гэта 58 мільёнаў чалавек.
«Гэта выпрабаванне нашай салідарнасці, нашага здаровага сэнсу і нашага клопату адно пра аднаго. І я спадзяюся, што мы яго вытрымаем», — сказала яна.

ЧС-2020 па фігурным катанні адкладзены

Улады канадскай правінцыі Квебэк вырашылі адкласці чэмпіянат свету па фігурным катанні з-за Covid-19. Чэмпіянат павінен быў адбыцца ў Манрэалі з 18 па 22 сакавіка.
Міжнародны саюз канькабежцаў (ISU) ужо заявіў, што разгледзіць магчымасць правядзення чэмпіянату свету пазней у 2020 годзе, але не раней, чым у кастрычніку. Зараз у Квебэку сем зарэгістраваных выпадкаў заражэння каранавірусам, адзін — у самым Манрэалі.
Тым часам у ЗША прыпынены сезон НБА.

Як запаволіць вірус?


Пакуль Covid-19 распаўсюджваецца па свеце, улады і медыкі імкнуцца пазбегнуць рэзкага росту колькасці хворых. «Зраўнаваць пік» ці «выраўнаваць крывую», як гавораць спецыялісты, жыццёва неабходна. Як ж як гэта зрабіць пакуль невядома.

Заразіўся Том Хэнкс і яго жонка


У ноч на чацвер стала вядома, што каранавірусам заразіліся акцёр Том Хэнкс і яго жонка Рыта Уілсан. Нядаўна яны пабывалі ў астрале на здымках фільма рэжысёра База Лурмана аб Элвісе Прэслі.
Паводле Бі-Бі-Сі