Прадпрымальнікі назавуць лепшыя рэгіёны Беларусі для бізнесу

Адзінаццатая па ліку цырымонія ўзнагароджання пераможцаў Рэспубліканскага конкурсу «Лепшы горад (раён, вобласць) для бізнесу Беларусі – 2018» пройдзе 19 кастрычніка.

Арганізатарам конкурсу традыцыйна выступае Саюз юрыдычных асоб «Рэспубліканская канфедэрацыя прадпрымальніцтва». Штогод экспертнае журы з вядучых эканамістаў, прадстаўнікоў дзяржаўных органаў і бізнес-асацыяцый называе лепшы рэгіён краіны па намінацыях з найбольш развітой дзелавой актыўнасцю і самымі спрыяльнымі ў маштабах краіны ўмовамі для развіцця прадпрымальніцтва.
У гэтым годзе вызначэнне лепшых рэгіёнаў для бізнесу ажыццяўляецца па дзесяці асноўных намінацыях і дзвюх дадатковых. У прыватнасці, ацэньваецца колькасць дзеючых суб'ектаў гаспадарання, аб'ём падаткаў, удзельная вага створаных новых працоўных месцаў, тэмп прыросту гэтых паказчыкаў і інш.
У цырымоніі таксама прымуць удзел прадстаўнікі органаў дзяржаўнай улады, дыпламатычнага корпуса, прадпрымальніцкіх структур і грамадскага сектара.