Рэдактар Naviny.by Павел Дабравольскі купіў сядзібу 1820 году пабудовы
Сядзібу Рудніцкіх у Мёрскім раёне купілі на аукцыёне.
Рэдактар сайту Naviny.by Павел Дабравольскі разам з
партнёрамі купіў сядзібу Рудніцкіх, у якасці прадаўца выступіў Перабродзкі
сельвыканкам.
Паводле інфармацыі прэс-службы Віцебскага абласнога
выканаўчага камітэту, «новы ўласнік аб’екту гісторыка-культурнай спадчыны
абавязваецца выкарыстоўваць комплекс пад стварэнне аб’ектаў сацыяльнага,
культурна-асветніцкага прызначэння або сервісу».
Згодна з умовамі продажу, уладальнік павінен «ажыццяўляць
прадпрымальніцкую дзейнасць з выкарыстаннем набытай маёмасці не менш за
адзін год». На рэканструкцыю выдзелены чатыры гады.
Зямельны ўчастак плошчай 0,4561 га дадзены Мёрскім
райвыканкамам у арэнду на 50 гадоў.
Двухпавярховая сядзіба агульнай плошчай 773 кв. метры
пабудавана ў 1820 годзе для суддзі Аляксандра Рудніцкага ў стылі класіцызму.
Пад будынкам — скляпеністыя сутарэнні.
Актыўныя работы па аднаўленні сядзібы плануецца пачаць
увесну 2022 году. Вакол сядзібы разаб’юць рэгулярнае намётавае мястэчка.