TUT.by: За хабар затрыманы гендырэктар «Белтэлекама»
Паводле неафіцыйнай інфармацыі, чыноўніка затрымалі каля тыдня таму па падазрэнні ў карупцыі. Афіцыйнага пацвярджэння гэтай інфармацыі няма, піша «Еўрарадыё».
Фота з сайта «Белтэлекам»
Праваахоўнікі затрымалі генеральнага дырэктара кампаніі "Белтэлекам" Сяргея Сівадзедава. Пра гэта піша TUT.by са спасылкай на чатыры інфармаваныя крыніцы.
Паводле неафіцыйнай інфармацыі, чыноўніка затрымалі каля тыдня таму па падазрэнні ў карупцыі. Афіцыйнага пацвярджэння гэтай інфармацыі няма. У прыёмнай кіраўніка "Белтэлекама" журналістам паведамілі, што гендырэктар з мінулага тыдня знаходзіцца на бальнічным.
Мабільны Сівадзедава недаступны. У viber ён апошні раз заходзіў 19 красавіка.
Сівадзедаву 52 гады. "Белтэлекамам" ён кіруе з 31 сакавіка 2014 года.