У Вільні развітваюцца з паўстанцамі 1863 года (фота)
Сёння, 22 лістапада, адбываецца ўрачыстае перапахаванне Кастуся Каліноўскага і 19 паўстанцаў 1863-1864 гадоў. У Вільню прыехалі тысячы беларусаў з розных куткоў свету.
Урад Літвы запрасіў старшыню Рады БНР Івонку Сурвілу і першага кіраўніка незалежнай Беларусі Станіслава Шушкевіча.
У 10 гадзін раніцы пачалася адкрытая цырымонія грамадскага развітання — і зайсці ў Катэдральным касцёл мог любы ахвочы.
Цырымонію развітання з паўстанцамі павінны наведаць прэзідэнты Літвы і Польшчы — Гітанас Наўседа і Анджэй Дуда.
