З «Беларускалія» хочуць звольніць за палітыку дзве сотні чалавек

На «Беларускаліі» — звальненне па спісах за палітыку, прычым імкнуцца пазбавіцца не ад шараговых работнікаў, а ад людзей хоць з нейкімі пасадамі. Бо чорную працу рабіць камусьці ўсё адно трэба.

_belarus_ekanomika_pradpryemstvy_fota_dzmitryeu_dzmitryj__novy_czas__4__logo.jpg

На «Беларуськаліі» ў студзені 2023-га з'явіліся палітычныя спісы тых, з кім плануюць развітацца. Пра гэта паведамляе «Люстэрку» са спасылкай на інфармацыю, атрыманую адразу ад некалькіх работнікаў прадпрыемства.

У гэтым спісе на звальненне — каля 200 чалавек. Прычым варта згадаць, што больш за палову з 13-тысячнага калектыву прадпрыемства ў 2020-м падтрымалі страйк.

Вось што расказалі «Люстэрку» супрацоўнікі «Беларуськаліі» (з меркаванняў бяспекі імёны суразмоўцаў змененыя).

Людзям са спісаў не падаўжаюць кантракты, рэзка нікога не звальняюць, а проста чакаюць зручных момантаў, — кажа працоўны Арцём. — У спісе ж каля 200 імёнаў, а ў жніўні 2020 года за страйк падпісаліся больш за 7 тысяч. Па маіх назіраннях, не працягваюць кантракты менавіта тым, хто мае хоць нейкае дачыненне да кіравання, тым, хто займаецца кабінеты. Не чуў, каб электрык або сантэхнік, звычайны рабочы, які паставіў подпіс не за «правільнага» кандыдата, моцна цікавіў кіраўніцтва. Бо чорную працу рабіць камусьці трэба, а цяпер, калі за яе яшчэ і плацяць капейкі, гэта, можна сказаць, пакаранне само па сабе.

Прычыны трапляння ў спіс розныя: ад удзелу ў пратэстах да подпісу за альтэрнатыўнага кандыдата. Па словах Арцёма, з яго сяброўкай не падаўжаюць кантракт з-за таго, што падчас перадвыбарчай кампаніі 2020-га яна пакінула подпіс за Віктара Бабарыку. Пры гэтым ён адзначае, што ёсць рабочыя, якія не толькі падпісваліся, але і актыўна ўдзельнічалі ў страйкавым руху, і для іх усё пакуль абмежавалася размовамі з кіраўніцтвам.

Паводле інфармацыі яшчэ аднаго рабочага «Беларуськалія» Дзмітрыя, у спісе на звальненне за палітыку, у асноўным, знаходзяцца людзі, у якіх з 1 снежня па 30 траўня заканчваюцца кантракты. Але таксама, паводле яго слоў, ёсць яшчэ адзін спіс — у ім супрацоўнікі з больш працяглымі кантрактамі, на іх аказваюць прэсінг, напрыклад, пазбаўленнем прэмій.


Яшчэ адзін працаўнік «Беларуськалія» Аляксей распавёў, што спісы на непадаўжэнне кантрактаў — гэта не адзіны спосаб развітацца з супрацоўнікамі, якія «засвяціліся падчас пратэстаў».

— Наколькі я ведаю, такіх людзей вылічаюць па здымках і відэазапісах. Некаторыя не звальняюць адразу, а робяць усё вельмі далікатна. Напрыклад, «не прайшоў праверку ведаў на допуск да самастойнай працы». Яна праводзіцца штогод. Карацей, мінімум акцэнту на прычыны звальнення, — тлумачыць Аляксей.


Арцём дадае, што многія з працаўнікоў «Беларуськалія» звольніліся самі і з'ехалі за мяжу. Прычына — падзенне заробкаў. Так, напрыклад, за 2021 год яму налічылі амаль 35 тысяч рублёў зарплаты (у сярэднім, па 2917 рублёў у месяц), а за 2022 год — 26 тысяч (2166 рублёў у месяц).

— У тых, у каго пастаянная аплата працы, заробак упаў не так адчувальна. У каго аплата здзельна-прэміяльная — сітуацыя горшая. Напрыклад, у шахцёраў падзенне на 50%... Многія звольніліся самі і з'ехалі за мяжу. Таму што зарплата ўпала вельмі моцна, умовы працы — гэта катастрофа. Людзі шукаюць лепшага жыцця. Таксама многія з былых калег працуюць дальнабойнікамі або на любой іншай вахтавай працы, калі ты можаш зарабляць за мяжой, а выдаткоўваць грошы тут.


Экс-работнік прадпрыемства, сябра страйкаму «Беларуськалія» Зміцер Кудзялевіч тлумачыць, што пра масавыя звальненні пакуль гаворкі не ідзе, але ключавое слова — «пакуль»:

— Аднак сітуацыя на вытворчасці сапраўды напружаная, і звязаная яна як з істотным скарачэннем вытворчасці ў выніку санкцый, так і з чаканнем патэнцыйнага візіту прадстаўнікоў органаў за ўсе тыя ж падзеі жніўня 2020-га. Таму што ўдзельнічалі ўсе. Ці амаль усё. Месяц таму выклікалі майго блізкага таварыша, ён актыўнічаў у той перыяд і быў пасля звольнены. З яго ўзялі паказанні, але адпусцілі з агаворкай, маўляў, трэба будзе — паклічам. Дзіўна, калі зараз пачнуцца масавыя звальненні.