Санкцыі ўвялі ў дачыненні да 182 кампаній і траіх чалавек, звязаных з перавозкамі па чыгунцы расійскай тэхнікі, абсталявання і асабовага складу, якія задзейнічаны ў вайне супраць Украіны. Аб гэтым украінскі лідар паведаміў у сваім вечаровым звароце да нацыі.
«Іх актывы ва Украіне блакіруюцца, наяўная маёмасць будзе выкарыстоўвацца для нашай абароны. Мы будзем працаваць над тым, каб аналагічнае блакаванне было прымененае і іншымі краінамі»,— пазначыў украінскі лідар.
У санкцыйны спіс трапілі, сярод іншых кампаній, «Беларуськалій», Гомельскі хімічны завод, «Беларуская чыгунка», «Белінтэртранс», «Грузавая служба-Захад», «Лакафарба», «Белгазпрамбанк», «ПЛМ-Інавацыі», «Кронаспан ОСБ», «Беллесэкспарт», «Супрацоўніцтва Транс-Агра», «Рэал-Агент», «Прамагралізінг», «АСБЛізінг», «Транзыт-Аўта-2003», «Ізатэрмічная лягістыка», «Омск-Карбон Магілёў» і іншыя.
Агулам у спісе 23 беларускія кампаніі.
