За мінулыя суткі ў Беларусі зарэгістравана 1244 выпадкі COVID-19. Памерла, як звычайна, 10 чалавек

Пра чарговыя афіцыйныя лічбы захворвання паведамляе «Радыё Рацыя» са спасылкай на БелаПАН. 

За мінулыя суткі ў Беларусі зарэгістравана 1244 выпадкі COVID-19. Памерлі 10 чалавек з выяўленай каронавіруснай інфекцыяй.

З бальніц выпісана 1420 пацыентаў, паведаміла Міністэрства аховы здароўя. Колькасць новых выпадкаў знізілася: 30 красавіка было зарэгістравана 1505 хворых.

Рэкорд захворвання прыйшоўся на 12 снежня 2020 года — 1975 выпадкаў. Агульная колькасць пацверджаных выпадкаў COVID-19 у краіне дасягнула 359982, памерла 2552 пацыенты з каронавірусам, ачуняла — 350433.

За мінулыя суткі выканана 17893 тэсты на каронавірус (днём раней 17.919). Усяго з пачатку эпідэміі зроблены      5 868 221 тэст. Паводле інфармацыі Мінздароўя, 291 500 чалавек атрымалі першую дозу вакцыны супраць COVID-19, 111 400 — прайшлі поўны курс вакцынацыі.