У Слоніме загінуў салдат тэрміновай службы — агнястрэльнае раненне

Мінабароны пацвердзіла, што  падчас баявой падрыхтоўкі ад агнястрэльнага ранення загінуў салдат тэрміновай службы.

Міністэрства абароны ў сваім тэлеграм-канале паведаміла, што падчас баявой падрыхтоўкі загінуў салдат тэрміновай службы. Мінабароны заявіла, што салдат “атрымаў агнястрэльнае раненне, несумяшчальнае з жыццём”.

“Падчас выканання мерапрыемстваў баявой падрыхтоўкі вайсковец тэрміновай службы аднаго з падраздзяленняў 11-й асобнай гвардзейскай механізаванай брыгады атрымаў агнястрэльнае раненне, несумяшчальнае з жыццём. Камісіяй Міністэрства абароны ва ўзаемадзеянні з прадстаўнікамі праваахоўных органаў праводзіцца праверка, накіраваная на ўстанаўленне ўсіх абставінаў таго, што адбылося”.

Вайсковец праходзіў службу ў 11-й асобнай гвардзейскай механізаванай брыгадзе, якая знаходзіцца ў Слоніме.