Гурт «Ляпіс Трубяцкі» спыніў сваё існаванне

Беларускі панк-рок-гурт «Ляпіс Трубяцкі» абвясціў аб спыненні свайго існавання.



Аб гэтым паведамляецца ў твітэры гурта. 
«Што будзе далей з удзельнікамі калектыву, вы даведаецеся ўжо заўтра», — адзначаецца ў твітэры. 
Таксама музыкі падзякавалі ўсім прыхільнікам, якія былі з імі за 24 гады існавання калектыву. 
«Ляпіс Трубяцкі» — гэта беларускі панк-рок-гурт, заснаваны ў верасні 1989 года. Калектыў названы ў гонар камічнага героя рамана Ільфа і Пятрова «12 крэслаў» — паэта Нікіфара Ляпіса, які друкаваўся пад псеўданімам Трубяцкі. 
Свой першы канцэрт гурт даў у Мінску на фестывалі «Тры колеры». Лідэрам калектыву быў студэнт Беларускага інстытута культуры Сяргей Міхалок. 
Гурт «Ляпіс Трубяцкой» стаў лаўрэатам такіх прэмій, як RAMP, «Рок-каранацыя», «Чартовы тузін», «Стэпавы воўк», ZD Awards і Ultra-Music Awards.
tvrain.ru