Мінскі Планетарый запрашае на мультфільм пра планеты па-беларуску

19 лютага мінскі Планетарый завершыць паказы маляўнічай іспанскай анімацыйнай стужкі «Далёка ад Сонца». Калі вы яшчэ не паглядзелі гэтую фантастычную гісторыю, то вас шчыра запрашаюць на бліжэйшы паказ.
planetarium.by

planetarium.by

Ён адбудзецца 22.01 у 14:00.

У цэнтры касмічнага аповеда — маленькая дзяўчынка Сялеста, якую нечакана наведвае сам Месяц. Разам яны падарожнічаюць па Сусвеце і даведваюцца, што такое экзапланеты і як іх можна знайсці. Яны назіраюць планеты-ізгоі, акіянічныя светы і суперземлі. Месяц распавядае пра паляўнічых на экзапланеты, якія назіраюць за небам у пошуках такіх планет, як Зямля.

Яскравы і пазнавальны мультфільм будзе цікавы дзецям ад шасці гадоў і іх бацькам. Фiльм паказваецца толькі на беларускай мове. Дубляж зроблены мінскім Планетарыем з удзелам вядомых беларускіх акцёраў — Іны Ганчар і Ігара Сідорчыка.

"Далёка ад Сонца" — адзін з лепшых анімацыйных фільмаў конкурснай праграмы I Мінскага міжнароднага фестывалю паўнакупальных фільмаў, які заняў другое месца ў рэйтынгу галасавання гледачоў.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: