Мясніковіч заклікае шырэй выкарыстоўваць расійскі рубель
Беларусі і Расіі для пашырэння ўзаемнага гандлю, інвестыцыйнага супрацоўніцтва трэба больш шырока выкарыстоўваць у разліках расійскі рубель, заявіў 21 кастрычніка на пасяджэнні саюзнага Саўміна прэм'ер-міністр Беларусі Міхаіл Мясніковіч.
Міхаіл Мясніковіч прапанаваў таксама удасканаліць у Саюзнай дзяржаве працу па доўгатэрміновым прагназаванні і перайсці ад асобных праектаў, гадавых прагнозаў да сярэдне-і доўгатэрміновых дакументаў.
Як адзначыў прэм'ер-міністр Беларусі, фармат Саюзнай дзяржавы забяспечвае паскораную інтэграцыю. Дастаткова добры вопыт будаўніцтва Саюзнай дзяржавы спрыяе развіццю шматбаковага супрацоўніцтва, у тым ліку і Еўразійскага эканамічнага саюза, сказаў Міхаіл Мясніковіч.
На яго думку, у Саюзнай дзяржаве трэба вярнуцца да пытанняў фарміравання адзінай прамысловай палітыкі, імпартазамяшчэння. Размова ідзе пра тое, каб ствараць сумесныя канкурэнтаздольныя кампаніі ў машынабудаванні, нафтахіміі, валаконнай галіне, мікраэлектроніцы, фармацэўтыцы і іншых сферах.
"За гэтым будучыня, менавіта сумесныя і з удзелам, магчыма, прадстаўнікоў трэціх краін кампаніі ствараюць бізнес-інтэграцыю", — мяркуе Міхаіл Мясніковіч.