Вольгу Мікалайчык асудзілі за «маральную падтрымку Максіма Вінярскага»

Суд палічыў сустрэчу ля Акрэсціна несанкцыянаваным пікетам.

Па новым пратаколе Вольга Мікалайчык мусіць заплаціць штраф у 50 базавых велічынь — 1150 рублёў.
Як паведаміла грамадская актывістка ў сваім ФБ, яе нават не выклікалі на суд — ні позвай, ні смс-паведамленнем, хаця ў пратаколе ўказана, што яна не з'явілася для дачы паказанняў.
Гэта першы рэальны выпадак, калі за сустрэчу сяброў пасля "сутак" складаюцца пратаколы і выпісваюцца штрафы — раней актывісты толькі жартавалі, што такое можа быць.

Вольга Мікалайчык паведаміла, што будзе абскарджваць у Камітэце па правах чалавека ААН.
Нагадаем, за шматлікія штрафы ўся маёмасць у доме Вольга Мікалайчык і так ужо апісаная судовымі выканаўцамі.