Генпракуратура Расіі абвясціла незаконнай перадачу Крыму Украіне 60 гадоў таму

Рашэння аб перадачы Крыма ў склад Украінскай ССР ў 1954 годзе былі прынятыя прэзідыумамі Вярхоўных Саветаў РСФСР і СССР з парушэннем Канстытуцый РСФСР і СССР.



Заява аб гэтым змяшчаецца ў адказе намесніка генеральнага пракурора Расеі Сабіра Кехлерова на дэпутацкі запыт старшыні фракцыі «Справядлівая Расія» у Дзярждуме Сяргея Міронава, копію якога публікуе «Новая газета».

«Ні Канстытуцыя РСФСР, ні Канстытуцыя СССР не прадугледжвала паўнамоцтваў Прэзідыумаў Вярхоўных Саветаў РСФСР і СССР па разглядзе пытанняў аб змене канстытуцыйна-прававога статусу аўтаномных савецкіх сацыялістычных рэспублік», — гаворыцца ў дакуменце за подпісам Кехлерова.

У адказе Генеральнай пракуратуры таксама гаворыцца пра Севастопаль. Адзначаецца, што гэты горад не быў перададзены УССР, а кіраваўся Саветам міністраў СССР.

Раней прэзідэнт Расіі Уладзімір Пуцін назваў "не зусім законным» выхад са складу Саюза Савецкіх Сацыялістычных Рэспублік самой Украіны.

Нагадаем, што ў абмен на Крым у склад РСФР ў 1954 годзе адышла вялікая частка ўкраінскай тэрыторыі, якая цяпер з'яўляецца часткай Белгарадскай і Растоўскай абласцей.