«Гульня тронаў» атрымала прэмію «Эмі» як лепшы серыял года

У ноч з нядзелі на панядзелак у Лос-Анджэлесе прайшла цырымонія ўручэння ўзнагарод Амерыканскай нацыянальнай тэлеакадэміі «Эмі». Лепшым драматычным серыялам была прызнана «Гульня тронаў», а лепшым камедыйным — «Віцэ-прэзідэнт».



У гэтым годзе «Гульня тронаў» была заяўлена на прэмію «Эмі» ў  24 намінацыях. Пітэр Дзінклейдж, які выканаў у серыяле ролю Цірыана Ланістэра, быў прызнаны лепшым акцёрам другога плана ў драматычным серыяле. Акрамя таго, «Гульня тронаў» была адзначана за лепшыя рэжысуру і сцэнар у катэгорыі драматычных шоў. Сцэнарысты скарысталіся момантам і павіншавалі з днём нараджэння Джорджа Р.Р. Марціна, аўтара цыклу кніг «Песня Лёду і Агню», па якіх зняты серыял, паведамляе РБК.

Прэмія «Эмі», якая лічыцца тэлевізійным аналагам «Оскара», уручаецца з 1949 года. У гэтым годзе яна прайшла ў 67-ы раз, а вядучым цырымоніі стаў акцёр Эндзі Сэмберг.

Сцэнарысты «Гульні тронаў» Дэвід Бэніёф і Д.Б. Уайс (у цэнтры) і акцёры атрымліваюць прыз за лепшы драматычны серыял

Пітэр Дзінклейдж атрымлівае ўзнагароду за ролю другога плана

Пітэр Дзінклейдж