Ісландыю арыштавалі за прапалестынскую дэманстрацыю

Група Hatari падчас «Еўрабачання» ў Ізраілі дэманстравала палестынскія сцягі. За парушэнне правілаў на ісландскае радыё накладзены штраф, чый памер не паведамляецца.

Ісландская радыёстанцыя RÚV аштрафаваная з-за таго, што музычная група з гэтай краіны Hatari падчас конкурсу «Еўрабачанне-2019» дэманстравала сцягі Палестынскай аўтаноміі. Такім чынам група парушыла забарону на палітызацыю спаборніцтваў, адзначаецца прэс-службай Еўрапейскага вяшчальнага саюза (EBU), чыё паведамленне ў нядзелю, 22 верасня, цытуецца агенцтвам dpa. Сума штрафу не называецца. Згодна з правіламі «Еўрабачання», палітычныя выказванні падчас конкурсу забароненыя.
Насуперак перасцярогам, група Hatari выкарыстала шоу «Еўрабачання-2019», якое праходзіла ў Ізраілі, для выказвання прапалестынскага пункту гледжання. Падчас абвяшчэння адзнак ўдзельнікі групы перад тэлекамерамі трымалі разгорнутыя плакаты, на якіх былі намаляваныя сцягі Палестынскай аўтаноміі. Дзеянне адбывалася ў так званым «Зялёным пакоі», дзе артысты даюць інтэрв'ю пасля выступу. Учынак ісландскіх музыкаў выклікаў незадаволенасць гледачоў конкурсу.
Яшчэ да конкурсу, у сакавіку 2019 года, ізраільская арганізацыя Shurat HaDin Israel Law Center заклікала забараніць ісландскаму калектыву Hatari ўезд на тэрыторыю Ізраіля. Група Hatari выступіла з песняй «Нянавісць пераможа», заняўшы ў выніку дзясятае месца. Пераможцам стаў галандзец Дункан Лоўрэнс з песняй «Аркада».
dw.com