Юлія Цімашэнка, захварэлая на каронавірус, у цяжкім стане

Лідарка ўкраінскай партыі "Бацькаўшчына", якая 23 жніўня была шпіталізаваная з каронавірусам, знаходзіцца ў цяжкім стане

Фота з Facebook Цімашэнка
Як перадае ўкраінская прэса, кіраўніца партыі "Бацькаўшчына" Юлія Цімашэнка, пра якую 23 жніўня стала вядома, што яна захварэла на каронавірус, знаходзіцца цяпер у цяжкім стане.
Прэсавая сакратарка Цімашэнка Марына Сарока напісала, што добрых навінаў няма і стан Цімашэнка застаецца досыць цяжкім.
У такім стане выкарыстоўваецца штучная вентыляцыя лёгкіх. Юлія Цімашэнка мае 59 гадоў, яна ўваходзіць у групу рызыкі.