Морг у Данецку запоўнены целамі сепаратыстаў (вусцішнае відэа)
У гарадскім моргу захоўваюцца целы 38 забітых сепаратыстаў і двух цывільных асобаў.
27.05.2014: Забітыя данецкія сепаратысты + інтэрв'ю з баевіком
Цяпер у морг прыходзяць на апазнанне сваякі мясцовых жыхароў, што запісаліся ў атрады сепаратыстаў і зніклі пасля ўчорашняй спецаперацыі ўкраінскіх сілавікоў.
Целы забітых прывезлі прыхільнікі «Данецкай народнай рэспублікі» ў цяжкавіку. Праз нястачу месца целы ляжаць штабялямі адно на адным. У большасці забітых не было з сабою ніякіх
дакументаў ці асабістых рэчаў, якія б дапамаглі ўсталяваць асобу.
У інтэрв’ю журналістам адзін з параненых баевікоў паведаміў, што ў панядзелак яны пайшлі на захоп аэрапорту для таго, каб «выбіць адтуль «Правы сектар». Паводле
яго, падчас сілавой аперацыі загінулі не менш як сто сепаратыстаў.