Нарвегія — пераможца ў медальным заліку Алімпіяды 2018.

Золата лыжніцы Марыт Б’ёрген дапамагло камандзе Нарвегіі заняць першае месца ў медальным заліку XXIII зімовых Алімпійскіх гульняў.

Па выніках алімпійскіх спаборніцтваў нарвежскія спартоўцы заваявалі 39 узнагарод — па 14 залатых і срэбных і 11 бронзавых. На другой пазіцыі каманда Германіі — 31 (14, 10, 7), трэцяе месца ў зборнай Канады — 29 (11, 8, 10).
Алімпійскія атлеты з Расіі занялі 13-ы радок, заваяваўшы 17 медалёў (2, 6, 9). Беларускія алімпійцы з двума залатымі і адным сярэбраным медалямі апынуліся на 15-м выніковым месцы.
Першае золата зборнай Беларусі прынесла фрыстайлістка Ганна Гуськова, якая выйграла спаборніцтвы ў лыжнай акрабатыцы. Яшчэ адну ўзнагароду вышэйшай пробы заваявалі біятланісткі Надзея Скардзіна, Ірына Крыўко, Дынара Алімбекава і Дар’я Домрачава, якія выйгралі эстафетную гонку. Акрамя таго, Дар’я Домрачава стала ўладальніцай алімпійскага срэбра ў мас-старце. Цяпер у медальнай скарбонцы Дар’і Домрачавай 4 золата Алімпіяд (3 — Сочы-2014 і 1 — Пхенчхан 2018.), 1 срэбра (Пхенчхан 2018.) і 1 бронзавы (Ванкувер-2010).
Усяго на алімпійскі п’едэстал Пхенчхана 2018. падымаліся прадстаўнікі 30 каманд з 92, якія прымалі ўдзел у Гульнях. Было разыграна 102 камплекты ўзнагарод.
Наступная зімовая Алімпіяда адбудзецца ў 2022 годзе ў сталіцы Кітая Пекіне.
Паводле thinktanks.by