У Кітаі завяршыўся саміт G20

У кітайскім горадзе Ханчжоу завяршыў працу 11-ы саміт дваццаці найбуйнейшых эканамічных дзяржаў свету. Па яго выніках прынята камюніке, у якім лідары G20 асудзілі тэрарызм і паабяцалі змагацца з усімі спосабамі яго фінансавання.

Удзельнікі саміту дамовіліся пра сумесную распрацоўку комплексу мер, накіраваных на забеспячэнне росту сусветнай эканомікі, паведамляе ВВС.
Быў прыняты комплекс мер пад назвай "Ханьчжоўский кансенсус", які ўключае ў сябе чатыры крытэрыі: бачанне, інтэграцыя, адкрытасць і інклюзіўнасць.
У камюніке адзначаецца, што ўдзельнікі дамовіліся нарошчваць супрацоўніцтва ў сферы барацьбы з карупцыяй і заклікалі ўсіх сябраў G20 ратыфікаваць антыкарупцыйную канвенцыю ААН.
Акрамя таго, краіны пацвердзілі важнасць супрацоўніцтва ў галіне энергетыкі і заклікаюць адмовіцца ад субсідавання здабычы неэфектыўных энергетычных карысных выкапняў.
Таксама ў камюніке падкрэсліваецца, што краіны гатовыя пераадолець наступствы выхаду Брытаніі з Еўрасаюза і спадзяюцца, што Лондан працягне супрацоўнічаць з ЕС.  У кулуарах саміту адбылася асабістая сустрэча прэзідэнтаў Расіі і ЗША Уладзіміра Пуціна і Барака Абамы, якая цягнулася амаль паўтары гадзіны.
Прэзідэнт ЗША ў чарговы раз паўтарыў, што санкцыі супраць Расіі не будуць знятыя да поўнага выканання ўмоў Мінскіх пагадненняў па сітуацыі на ўсходзе Украіны.
Кіраўнікі дзяржаў правялі "складаныя перамовы" па Сірыі і Украіне. Падрабязнасці перамоў не паведамляюцца, аднак прадстаўнікі прэзідэнтаў паведамілі, што Пуцін і Абама абмеркавалі сітуацыю ў Сірыі і на Украіне.
Пасля заканчэння сустрэчы Барак Абама на прэс-канферэнцыі заявіў, што бакам удалося дасягнуць пэўнага прагрэсу ў пытанні ўстанаўлення перамір'я ў Сірыі. Аднак прэзідэнт ЗША прызнаў, што перамовы былі няпростымі. "Улічваючы існуючыя прабелы ў даверы, гэта былі складаныя перамовы. Мы пакуль не запоўнілі гэтыя прабелы", — заявіў Абама.