У Расіі разгледзяць магчымасць абмену воінаў «Азова» на кума Пуціна

У РФ разгледзяць магчымасць абмену воінаў «Азова» на Медведчука, які ва Украіне падазраецца ў дзяржаўнай здрадзе.
 Фота з сацсетак Уладзіміра Зяленскага

 Фота з сацсетак Уладзіміра Зяленскага

У Расіі маюць намер разгледзець пытанне магчымасці абмену кума прэзідэнта РФ Уладзіміра Пуціна і ўкраінскага дэпутата ад ужо неіснуючай партыі «Апазіцыйная платформа — за жыццё» (АПЗЖ) Віктара Медведчука на ўкраінскіх палонных з «Азоўсталі».

Пра гэта заявіў сябра перамоўнага працэсу, старшыня камітэта Дзярждумы па міжнародных справах і кіраўнік фракцыі ЛДПР Леанід Слуцкі, паведамляе «Інтэрфакс».

«Мы вывучым пытанне магчымасці абмену Медведчука на "азоўцаў". Не мы — ЛДПР, а тыя людзі ў Маскве, якія маюць такія паўнамоцтвы», — заявіў Слуцкі 21 траўня на прэс-канферэнцыі ў акупаваным Расіяй Данецку.

Віктар Медведчук падазраецца ў дзяржаўнай здрадзе. Перад поўнамаштабным уварваннем РФ ён знаходзіўся пад хатнім арыштам, але неўзабаве ўцёк з-пад яго.

Паводле УНІАН

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: