Украіна ўпершыню спагнала штраф за авіяпералёт над Крымам

Казахстанская авіякампанія Euro-Asia Air выплаціла 5,2 тысяч еўра за парушэнне паветранай прасторы Украіны.

Дзяржаўная авіяцыйная служба Украіны спагнала першы штраф у памеры 136 тысячргыўняў (5,2 тысячы еўра) за палёт над анэксаваным Расіяй Крымам і за парушэнне ўкраінскай паветранай прасторы. Пра гэта ў пятніцу, 27 снежня, паведаміла ў Facebook камандаванне паветраных сіл УС Украіны са спасылкай на Дзяржавіяслужбу.
Яе прадстаўнікі паведамілі, што 8 жніўня самалёт казахстанскай авіякампаніі Euro-Asia Air (EAA) выканаў «палёт у межах забароненай зоны» над анэксаваным ў Украіны паўвостравам.
Дзяржавіяслужбуа 7 лістапада апавясціла кампанію аб правапарушэнні ў галіне грамадзянскай авіяцыі і выпісала ёй штраф. Казахстанскія авіялініі «прызналі сваю віну і добраахвотна аплацілі» спагнанне, удакладняецца на сайце інфармагенцтва Мінабароны Украіны АрміяІnform.

Кіеў забараніў палёты з аэрапорта Сімферопаля

У сакавіку 2014 года Кіеў забараніў вылет з міжнароднага аэрапорта Сімферопаль і пасадку ў ім усім авіякампаніям, а таксама зачыніў паветраную прастору над усёй тэрыторыяй паўвострава. За мінулыя пяць гадоў замежныя авіякампаніі звыш 200 тысяч разоў парушалі гэтую пастанову, агульная сума штрафаў дасягнула 13 млрд грыўняў (502 млн еўра), аднак ні адзін з парушальнікаў да гэтага часу не панёс фінансавай адказнасці. У сувязі з гэтым у Дзяржавіяслужбе Украіны разлічваюць, што выпадак з Euro-Asia Air стане прэцэдэнтам.
EAA — адна з верталётных авіякампаній Казахстана. Яна была заснавана ў ліпені 1997 года. У яе парку — 15 верталётаў і два самалёта.
dw.com