«Белгазпрамбанк» патлумачыў сыход Ермаковай

Каментар прэс-службы «Белгазпрамбанка» абвяшчае, што Надзея Ермакова пакінула пасаду кіраўніка праўлення «ў сувязі з заканчэннем тэрміна кантракта». Рашэнне прыняў Савет дырэктараў.

Як паведамлялася, в. а. топ-менеджара стала першая намесніца старшыні праўлення «Белгазпрамбанка» Ірына Патапава, якая працуе ў гэтым банку з 2010 года.
Каго прызначаць новым пастаянным кіраўніком банка, пакуль невядома. Надзея Ермакова была кіраўніком каля года: спачатку як знешні кіраўнік, а затым — у якасці старшыні праўлення (са студзеня 2021 года).
Да Ермаковай доўгія гады банкам кіраваў Віктар Бабарыка. Нядаўна ён быў асуджаны да 14 гадоў пазбаўлення волі.
officelife.media