«Галоўны вораг яднання народаў Беларусі і Расіі — само кіраўніцтва Рэспублікі Беларусь?»

Пытанню адмены роўмінгу паміж Беларуссю і Расіяй — больш за 10 гадоў. Упершыню гэтая тэма ўсплыла ў 2013 годзе. За гэты час роўмінг адмянілі ва ўсёй Еўропе. А ў «Саюзнай дзяржаве» ён застаецца. Чаму — тлумачыць блогер і бізнесмен Аляксандр Кныровіч.

Дзівосныя твае справы, Госпадзе! МТС зноў падняў некаторыя тарыфы, у тым ліку і на інтэрнэт у роўмінгу. У прыватнасці пакет у 1 Гб цяпер каштуе 22,5 рублёў, або 7 паўнаважкіх варожых долараў. Стаўка дзейнічае і для сяброўскай Расіі.

Ну падняў і падняў, скажыце? Чаго ўжо там.

Так, сапраўды, абмяркоўваць было б няма чаго, калі б пра тэму роўмінгу ў «Саюзнай дзяржаве» раптам не ўспомнілі ў расійскай Дзярждуме. Там, іх мясцовы выконваючы абавязкі Мінлічбы аказаўся на здзіўленне адкрытым.

А сказаў ён наступнае: пытанню па адмене роўмінгу ў межах «Саюзнай дзяржавы» ўжо больш за 10 гадоў, усё абмеркавана і ўзгоднена, але! Супраць выступаюць менавіта беларускія аператары сувязі, не хочуць яны губляць свае даходы (у тым ліку і вось гэтыя 7$ за 1 Гб).

Вось такія яны дрэнныя, такія сквапныя і шкоднікі, ай-яй-яй такімі быць! Можа быць, трэба іх неяк прыструніць, пакараць?

Ну каб не ўстаўлялі палкі ў колы нашаму «паравозу», не нажываліся на простых людзях? Няўжо дзяржава нічога не можа з гэтым зрабіць?

Адкрываем статутныя дакументы ААТ «МТС», чытаем. Гэтая драпежніцкая кампанія на 51% належыць... беларускай дзяржаве (праз «Белтэлекам»).

Опанькі! Кола ж замкнулася. Гэта што ж атрымліваецца?

Галоўны вораг яднання народаў Беларусі і Расіі (у нашым выпадку — на прыкладзе роўмінгу) — само кіраўніцтва Рэспублікі Беларусь?

Памятаеце жарт: «Галоўнае ў расследаванні — не выйсці на саміх сябе»?

Гэта той самы выпадак. Выйшлі, добры дзень.