Кіраўнікі ІТ-кампаній напісалі зварот у ПВТ

Каля 20 кіраўнікоў ІТ-кампаній падпісалі зварот да адміністрацыі ПВТ з просьбай дапамагчы вырашыць праблему з інтэрнэтам, паведамляе dev.by. 12 жніўня ў 13:00 гэта зварот перададуць у Парк. Подпісы працягваюць збіраць.

Ініцыятыва скласці зварот зыходзіла ад удзельнікаў Belarus IT CEO Club, у якім цяпер знаходзяцца каля 620 прадстаўнікоў 250 ІТ-кампаній. Як распавяла dev.by каардынатар клуба Лізавета Капітанава, яшчэ ў пачатку месяца члены клуба абмяркоўвалі верагоднасць адключэння сувязі ў краіне, і ўсё ж «не думалі, што за 3 дні пакладуць Інтэрнэт».
Калі ў панядзелак стала немагчыма працаваць, многія кіраўнікі кампаній сталі тэлефанаваць у ПВТ, але «там альбо не бралі слухаўку, альбо адказвалі: мы тэхнічна не можам зрабіць».
— Мы не ведаем, да каго яшчэ звярнуцца, каб заявіць аб сваёй пазіцыі, і вырашылі накіраваць адкрыты ліст у Парк высокіх тэхналогій. Бо дзеецца бязмежжа!
У самім звароце гаворыцца наступнае: «у Рэспубліцы Беларусь з раніцы 9-га жніўня існуюць абмежаванні доступу да сеткі Інтэрнэт, якія істотна ўплываюць на дзейнасць кампаній-рэзідэнтаў Парку.
Кожная гадзіна адсутнасці Інтэрнэту негатыўна адбіваецца на дзелавой рэпутацыі як кампаній, так і краіны ў цэлым. Больш за тое, кампаніі нясуць прамыя фінансавыя страты ў сувязі з адсутнасцю магчымасці весці дзелавую актыўнасць, а таксама аказваць свае паслугі ў поўнай меры.
Мы, ніжэйпадпісаныя кіраўнікі кампаній-рэзідэнтаў ПВТ, просім адміністрацыю парку, як орган, які прадстаўляе інтарэсы кампаній перад дзяржавай, аказаць усёмагутную дапамогу ў больш хуткім вырашэнні дадзенай праблемы, а таксама растлумачыць магчымыя эканамічныя наступствы адсутнасці Інтэрнэту вышэйстаячым органам».
Зварот падтрымалі прадстаўнікі Flatlogic, Cortlex, IdeaSoft, Bamboo Group, MapData, Celadon, ForteGroup, DataRocket, Solvd, Gismart, Akveo, *instinctools, Ханзеком БАЙ, Orangesoft, Abiatec, DashBouquet, Rozum Robotics, Aiolane і шэраг іншых.
Подпісы збіраюць у будынку ПВТ і сёння з 12:00 да 12:30.