Лукашэнка хоча пабудаваць яшчэ адну АЭС у Беларусі

Аляксандр Лукашэнка лічыць, што ў Беларусі трэба пабудаваць яшчэ адну АЭС. Так краіна зможа пазбавіцца ад залежнасці ад вуглевадародаў. Паводле яго слоў, станцыя — сапраўднае шчасце.

«Электраэнергіі будзе дастаткова. Нашы пратэстуны плачуць, што няма куды яе падзець. Слухайце, як няма куды падзець электраэнергію? Нам яшчэ трэба адну такую ​​станцыю пабудаваць, каб адысці ад залежнасці па вуглевадародах. Гэта шчасце, падарунак», — сказаў ён сёння ў ходзе адкрыцця трэцяй лініі метро, ​​паведамляе БелТА.
Нагадаем, на гэтым тыдні першы энергаблок БелАЭС быў уключаны ў беларускую энергасістэму. У бліжэйшыя месяцы першы энергаблок будзе выходзіць на праектную магутнасць. Цалкам здаць станцыю ў эксплуатацыю плануецца праз два гады.Адкрыццё станцыі адбудзецца заўтра, 7 лістапада. Пасля адкрыцця АЭС Лукашэнка хоча перасадзіць мінчан на электратранспарт.
Нагадаем, 27 кастрычніка МЗС Літвы адправіла беларускім калегам ноту пратэсту «з-за паспешнага запуску БелАЭС», якую ў Літве лічаць небяспечнай.
У пачатку верасня краіны Балтыі дамовіліся, што пасля запуску АЭС у Астраўцы спыняць куплю электраэнергіі ў Беларусі.