Мясніковіч прапануе шыць беларускія тавары ў Бангладэш

Беларусі можна асвоіць ліцэнзійную вытворчасць многіх сваіх тавараў у краінах Паўднёвай Азіі.



fabryka_adziennia_banhladesz.jpg

Аб гэтым сёння заявіў старшыня савета рэспублікі нацыянальнага сходу Міхаіл Мясніковіч у час нарады па пытанні нарошчвання экспарту прадукцыі беларускіх прадпрыемстваў у Бангладэш, Індыю, Непал і Шры-Ланку.
«Гэтыя краіны хацелі б разглядаць Беларусь у якасці інвестара, у тым ліку як краіну, якая можа падзяліцца адпаведнымі ноу-хау, інтэлектуальным патэнцыялам. Можа, тады нам пайсці на ліцэнзійную вытворчасць многіх беларускіх тавараў у гэтым рэгіёне? Гэта, мабыць, у меншай ступені датычыцца Індыі, але для астатніх трох дзяржаў — цалкам прымальная рэч», — лічыць Міхаіл Мясніковіч.
Старшыня савета рэспублікі дадаў, што беларускія вытворцы абутку і трыкатажу спецыяльна наведвалі Бангладэш. Усе сусветныя брэнды робяцца там.
«Прычым, як мне гаварылі ў «Беллегпраме», вытворчасць еўрапейскіх тавараў там каштуе $15-20, а прадаецца потым рэч за 100 еўра», — заўважыў Міхаіл Мясніковіч.
БелТА