Прадукцыя «Бабушкінай крынкі» і Магілёўскага мясакамбіната забаронена ў Расіі

Рассельгаснагляд з 30 сакавіка забараніў увоз у Расію прадукцыі двух беларускіх прадпрыемстваў, яшчэ 12 перавёў на ўзмоцнены кантроль. Аб гэтым паведамляецца на сайце ведамства.

Пад часовую забарону патрапілі прадпрыемства «Бабушкіна крынка» (кіруючая кампанія холдынгу «Магілёўская малочная кампанія» Бабушкіна крынка») і Магілёўскі мясакамбінат.«Федэральная служба па ветэрынарным і фітасанітарным наглядзе паведамляе, што ў сувязі з парушэннямі ветэрынарна-санітарных патрабаванняў і нормаў Еўразійскага эканамічнага саюза Рассельгаснагляд з 30 сакавіка 2017 года ўводзіць часовыя абмежаванні на пастаўкі на тэрыторыю Расійскай Федэрацыі прадукцыі, вырабленай прадпрыемствамі Рэспублікі Беларусь», — гаворыцца ў дакуменце.

На Магілёўскім мясакамбінаце аператыўна атрымаць каментар не ўдалося, але ў «Бабушкінай крынке» інфармацыю аб часовай забароне пацвердзілі.— Былі выяўленыя два неадпаведнасці па сырах, а зачынілі ўсю прадукцыю. Па якіх прычынах, мы не ведаем, — распавялі на прадпрыемстве.
Раней паведамлялася, што расійскае ведамства выявіла ў сырах «Бабушкінай крынкі» кансервант натаміцын, а ў ялавічыне Магілёўскага мясакамбіната – лістэріі.
Прадукцыя яшчэ 12 беларускіх прадпрыемстваў пераведзена «на ўзмоцнены лабараторны кантроль». У гэты спіс трапілі «Скідзельская птушкафабрыка», ААТ «Брэсцкі мясакамбінат», ААТ «Гродзенскі мясакамбінат», СП ТАА «Леор-Пластык», ААТ «Лідскі ветсанутыльзавод», ААТ «Лепельскі малочна-кансервавы камбінат», ЧУПТП «Мірон», ААТ «Маладзечанскі малочны камбінат», ААТ «Мсціслаўскае райпо», «Міёрскі мясакамбінат», ААТ «Салігорская птушкафабрыка» і «Столінзаготпромгандль».
tut.by