Праз санкцыі Нацбанк Украіны не дазволіў прадаць «БТА Банк» беларускаму бізнесоўцу Вараб'ю

Нацыянальны банк Украіны не ўзгадніў продаж мясцовага «БТА Банка» беларускаму бізнесоўцу Мікалаю Вараб'ю. Раней Антыманапольны камітэт краіны ўхваліў здзелку.

Нацбанк аргументаваў сваё рашэнне тым, што дзелавая рэпутацыя бізнесоўца не з'яўляецца бездакорнай. Пры гэтым украінскі рэгулятар спаслаўся на рашэнне ЕС аб ​​увядзенні персанальных санкцый у дачыненні да Мікалая Вараб'я. «У адпаведнасці з патрабаваннямі нарматыўна-прававых актаў Нацыянальнага банка, увядзенне санкцый у дачыненні да асобы з'яўляецца падставай страты ім бездакорнай дзелавой рэпутацыі на працягу тэрміну дзейнасці санкцый і трох гадоў пасля іх адмены», — гаворыцца ў паведамленні рэгулятара.
Акрамя таго, ва ўзгадненні адмоўлена з-за недахопу дакументаў, якія пацвярджаюць фінансавы стан заяўніка і крыніц яго багацця.
Трэба адзначыць, што ў паведамленні Нацбанка Украіны гаворыцца аб продажы 100% акцый «БТА Банка». Аднак раней гаворка ішла пра 50% + 1 акцыі.
Украінскі «БТА Банк», як і беларускі аднайменны банк, належаць казахстанскаму «БТА Банку». Банкаўскі кангламерат БТА таксама прысутнічае ў Расіі, Кітаі, Турцыі, Кыргызстане, Арменіі.
reform.by