Улады Беларусі паставілі амбітную задачу на пяцігодку
У 2016–2020 гадах штогадовы рост валавога ўнутранага прадукту Беларусі можа скласці 3–6%. Пра гэта гаворыцца ў падрыхтаванай беларускімі ўладамі канцэпцыі развіцця навукі і эканомікі. Пры гэтым ВУП плануецца павялічыць у 2020 годзе ў параўнанні з 2015 годам з улікам розных сцэнарыяў развіцця ў 1,18-1,34 разу.
Пры гэтым аўтары канцэпцыі лічаць неапраўданым закладанне на наступную пяцігодку больш высокіх тэмпаў эканамічнага росту нацыянальнай эканомікі.
Яны таксама заклікаюць сканцэнтравацца на ўнутраных крыніцах канкурэнтаздольнасці і эканамічнага росту, базай якіх з'яўляецца навукова-тэхнічны прагрэс.
Падрыхтаваная канцэпцыя, нагадаем, абмяркоўвалася тыдзень таму, 31 сакавіка, на нарадзе з удзелам кіраўніка дзяржавы. Выступаючы перад навукоўцамі, Аляксандр Лукашэнка даручыў выкарыстоўваць
падыходы, закладзеныя ў канцэпцыі, пры падрыхтоўцы Праграмы сацыяльна-эканамічнага развіцця на 2016–2020 гады.
Як паведамляў Тэлеграф, Сусветны банк чакае рост ВУП Беларусі ў 2014 годзе — 2,8%. На 2015 год СБ прагназуе рост ВУП да 3%.