БДУ ўвайшоў у ТОП-10 лепшых універсітэтаў СНД

Белдзяржуніверсітэт заняў 703-е месца ў абноўленым рэйтынгу Webometrics Ranking of World Universities і ўвайшоў у Топ-10 лепшых універсітэтаў СНД.

Паводле WRWU, БДУ ўваходзіць у дзясятку лепшых універсітэтаў краін СНД, апярэджвае шэраг еўрапейскіх універсітэтаў, у тым ліку Віленскі універсітэт (779) і Латвійскі ўніверсітэт (1166), паведамляе прэс-служба Белдзяржуніверсітэта.
Сярод ВНУ Беларусі БДУ традыцыйна лідзіруе. Другое месца займае Беларускі нацыянальны тэхнічны ўніверсітэт (2661), трэці радок у Гродзенскага дзяржаўнага ўніверсітэта ім. Я. Купалы (3373). БДУІР на 3804 месцы, замкнуў пяцёрку айчынных ВНУ Гомельскі дзяржаўны ўніверсітэт ім. Ф. Скарыны (3848).
Сярод расійскіх ВНУ першую пазіцыю захоўвае Маскоўскі дзяржаўны ўніверсітэт ім. М.В. Ламаносава (216). Санкт-Пецярбургскі дзяржаўны ўніверсітэт на 463 месцы, Новасібірскі дзяржаўны ўніверсітэт — 526, НДУ «Вышэйшая школа эканомікі» — 570 і Універсітэт ІЦМА — 686.У тройку лепшых ВНУ свету ўваходзяць Гарвардскі ўніверсітэт, Стэнфардскі ўніверсітэт і Масачусецкі тэхналагічны інстытут.
Вебаметрычны рэйтынг складаецца незалежнай іспанскай даследчай лабараторыяй «Laboratorio de Internet» і штогод абнаўляецца ў студзені і ліпені. У ацэнцы дзейнасці універсітэтаў разглядаецца прысутнасць ВНУ ў сетцы інтэрнэт і цытаванасць публікацый навукоўцаў. Пры падліку выкарыстоўваюцца дадзеныя платных сістэм Ahrefs і Majestic; цытаванне профіляў вучоных у Aкадемии Google; колькасць артыкулаў, якія ўваходзяць у 10% самых цытуемых у свеце за 2013-2017 гады па дадзеных Scopus.
Адзначым, што распрацоўшчыкі WRWU рэгулярна змяняюць крытэры і методыкі разліку. У выніку адбываецца непрадказальнае і рэзкае змяненне месцаў, займаных універсітэтамі. Так, у бягучай версіі рэйтынгу замянілі Google на камерцыйную сістэму Ahrefs.com. А ў папярэдняй рэдакцыі рэйтынгу аўтары адмовіліся ўлічваць публікацыі буйных міжнародных калабарацый навукоўцаў, што істотна адбілася на пазіцыях многіх універсітэтаў.
Усяго ў Webometrics паказаны пазіцыі практычна ўсіх вышэйшых навучальных устаноў свету, якіх налічваецца больш за 28 600. Па гэтай прычыне WRWU вельмі папулярны. Але, «вялікай тройкай» самых аўтарытэтных сусветных рэйтынгаў прызнаныя Шанхайскі, QS і THE. Гэтыя вядомыя агенцтвы ацэньваюць дзейнасць першай тысячы ВНУ. Дарэчы, у чэрвеньскай версіі QS БДУ займае 351 пазіцыю, што адпавядае ўваходжанню ў 1,5% лепшых універсітэтаў свету.
Паводле thinktanks.by