Дзень народзінаў за кратамі: павіншуйце палітвязня Данілу Чамаданава!

Сваё 24-годдзе за кратамі сёння адзначае Даніла Чамаданаў — фігурант «справы карагодаў», распачатай па падзеях 13 верасня 2020 года ў Брэсце.

У той дзень пратэстоўцы выйшлі на праезную частку, але ўлады ўжылі супраць іх вадамёт.

Фота sk.gov.by
Данілу Чамаданаву прад'яўлена абвінавачванне па арт. 342 КК. З 22 студзеня 2021 года ён знаходзіцца ўСІЗА-7.
«Новы Час» віншуе Данілу з днём народзінаў! Жадаем моцы, вытрымкі, добрага настрою, здароўя і, канешне ж, найхутчэйшага вызвалення!
Павіншуйце Данілу ці проста напішыце ліст падтрымкі: СІЗА-7, 224030, г. Брэст, вул. Савецкіх памежнікаў, 37.