Дзень народзінаў за кратамі: Уладзіслаў Макавецкі

Уладзіславу Макавецкаму 16 сакавіка споўнілася 28 гадоў, ён мастак па адукацыі, вядомы як аўтар 24-метровай драўлянай лыжкі, якую выразаў у Беразіне.

Працаваў таксама ў цэнтры рамёстваў у Лёзне. Займаецца калекцыянаваннем і рэстаўрацыяй гістарычныхартэфактаў.
Уладзіслава абвінавацілі па арт. 364 КК («Гвалт альбо пагроза ўжывання гвалту ў дачыненні да супрацоўніка органаў унутраных спраў»). Суд пакараў Уладзіслава Макавецкага двума гадамі калоніі агульнага рэжыму.
Мы віншуем хлопца з Днём народзінаў і зычым годна перанесці выпрабаванні, якія выпалі на яго лёс. Моцнага здароўя, нязломнасці духу і свабоды!
Вы таксама можаце павіншаваць Уладзіслава, адрас для лістоў: ПК №22. 225295, Брэсцкая вобласць, г. Івацэвічы, ст. Даманава, а/с 20.