Фазел сфатаграфаваўся з Баскавым на «Мінск-Арэне» (фотафакт)
Пры гэтым Міжнародная федэрацыя хакея праводзіць расследаванне адносна Дзмітрыя Баскава.
Фота «Куку».
Як і планавалася, сёння вечарам прэзідэнт ІІХФ наведаў матч першынства КХЛ, у якім мінскае «Дынама» сыстракалася з магнітагорскім «Металургам» (і саступіла 2:4).
Гульню Рэнэ Фазел назіраў з ВІП-ложы «Мінск-Арэны», побач з ім знаходзіўся Баскаў, якога падазраюць у датычнасці да трагічных падзей, што прывялі да смерці Рамана Бандарэнкі.
Пасля Фазел і Баскаў разам сфатаграфаваліся, абняўшы адзін аднаго.