Фотафакт: Тэрарысты прывязалі мужчыну з украінскім сцягам да слупа ў Зугрэсе

У Зугрэсе Данецкай вобласці баевікі прывязалі да слупа мужчыну. Як перадае Цензор.НЕТ, пра гэта паведамляюць на старонках сепаратыстаў у сацыяльных сетках.



Мужчыну прывязалі на скрыжаванні каля дома культуры ў пасёлку Зугрэс-2 каля 8 раніцы. Яго называюць "карнік".
 

Тэрарысты заяўляюць, што затрыманы імі мужчына — добраахвотнік батальёна "Данбас" з пазыўным "Зугрэс".
"Узяты быў дома, калі ў чарговы раз прыехаў на выходныя, адпачыць і падлячыць нагу, пашкоджаную яшчэ ў баях пад Ілавайскам", — паведамляецца на інфармацыйных старонках сепаратыстаў.
 

Раней баевікі батальёна "Усход" у Данецку прывязалі да слупа жанчыну, якую абвінавачвалі ў шпіянажы на карысць ўкраінскіх вайскоўцаў.