Літоўскі Паневежыс адмовіўся ад супрацы з Віцебскам
Гарадскія ўлады літоўскага горада Паневежыс адмовіліся ад супрацы з беларускім горадам Віцебск і яшчэ двума расійскімі гарадамі — Калінінград і Мыцішчы. Прычынаю стала вайна ва Украіне.
Улады дэмантавалі дошкі з назвамі гэтых гарадоў, якія былі раней усталяваныя перад уваходам у мэрыю Паневежыса.
Пагадненне аб супрацы Паневежыса і Віцебска і пабрацімскіх дачыненнях было падпісанае ў 2018 годзе.