Літва просіць Беларусь даць інфармацыю аб непаладках на першым блоку БелАЭС

Дзяржаўная інспекцыя па бяспецы атамнай энергетыкі Літвы запрасіла ў Беларусі інфармацыю пра магчымасць аварыі на запасной сістэме ахаладжэння першага блоку Беларускай АЭС, паведамілі агенцтву BNS у інспекцыі, піша Свабода.

«Інспекцыя звярнулася ў Міністэрства надзвычайных сітуацый Беларусі з тым, каб атрымаць дэталёвую інфармацыю аб непаладках у рэзервовай сістэме ахаладжэння рэактара першага блоку, стане гэтай сістэмы і ўплыве магчымых непаладак на забеспячэнне бяспекі блоку пры правядзенні работ па яго запуску», — паведаміла інспекцыя.
У міністэрстве энергетыкі Літвы са свайго боку паведамілі BNS, што ведамства не мае афіцыйнай інфармацыі пра інцыдэнт, аднак ведае пра тое, што інспекцыя па бяспецы звярнулася ў беларускае міністэрства.
Пра інцыдэнт паведаміў партал ecohome-ngo.ny. «Пры заканчэнні гідравыпрабаванняў на АЭС адбылося буйное надзвычайнае здарэнне. З прычыны неадчыненага клапана пры адпампоўцы вадкасці ў канцы выпрабаванняў быў пашкоджаны танкер сістэмы аварыйнага ахаладжэння першага рэактара», — піша партал, публікуючы заяву Беларускай антыядзернай кампаніі, якая супрацоўнічае па пытаннях бяспекі БелАЭС.
«Хутчэй за ўсё, адбылася імплозія бака. Ён патрабуе замены, але паколькі замена бака раўназначная прызнанню аварыі — яго замест гэтага спрабуюць направіць. Такім чынам, мы маем „гарачы“ рэактар з няштатна дзейнай (у лепшым выпадку) рэзервовай сістэмай аварыйнага ахаладжэння», — сказана ў заяве.
Пры гэтым, паводле інфармацыі Беларускай атамнай электрастанцыі, цяпер рэактар застаецца ў гарачым стане і праводзяцца працы па яго досьледна-прамысловай эксплуатацыі, звязаныя з павышэннем магутнасці.
У верасні паведамлялася пра пачатак гідраўлічных выпрабаванняў першага рэактара БелАЭС, але не паведамляецца пра дату іх заканчэння.
Дзяржаўная інспекцыя па бяспецы атамнай энергетыкі Літвы патрабавала ад еўрапейскіх рэгулятараў бяспекі атамнай энергетыкі спыніць функцыянаванне БелАЭС і як мага хутчэй вырашыць праблемы атамнай бяспекі на гэтай станцыі.