Леаніда Кулакова збіраюцца судзіць за пікет у Міжнародны дзень правоў чалавека

Актывіста “Еўрапейскай Беларусі” Леаніда Кулакова па тэлефоне выклікаў участковы  РУУС Першамайскага раёна.  



spring96.org

Міліцыянт папярэдзіў Леаніда Кулакова, што сёння ў апорным пункце будзе складаць пратакол аб адміністратыўным правапарушэнні за несанкцыянаваную акцыю. І дадаў, што суд павінен адбыцца ў панядзелак, паведамляе ПЦ "Вясна".

Верагодна міліцыі стала вядома, што 10 снежня, у Міжнародны дзень правоў чалавека, актывісты “Еўрапейскай Беларусі” правялі  ў цэнтры Мінска пікет, накіраваны на адмену смяротнага пакарання. “10 снежня — Дзень правоў чалавека! Жыццё дадзена Богам, а не катам. Не смяротнаму пакаранню!” — з такім плакатам выйшлі на акцыю актывісты, сярод якіх быў і Леанід Кулакоў.