Маці Тэрэза будзе абвешчана каталіцкай святой 4 верасня

Маці Тэрэза з Калькуты, манашка, якая прысвяціла сваё жыццё дапамозе бедным, будзе абвешчаная святой Рымакаталіцкай Царквы на адмысловай цырымоніі ў Ватыкане, якая адбудзецца 4 верасня.

Папа Францішак падрыхтаваў усе неабходныя для гэтага фармальныя захады яшчэ ў снежні летась.
Маці Тэрэза нарадзілася ў 1910 годзе ў Скоп’е, у цяперашняй Македоніі, у веку 18 гадоў паехала ў Індыю, дзе выкладала геаграфію ў манастырскай школе. Яшчэ праз 20 гадоў яна адкрыла сваю першую школу ў калькуцкіх трушчобах.
У 1979 годзе Маці Тэрэза атрымала Нобэлеўскую прэмію міру. Памерла ў 1997 годзе ў веку 87 гадоў.
Паводле svaboda.org