Папа Францыск: смяротнае пакаранне не павінна прымяняцца, гэта амаральна

Смяротнае пакаранне не павінна прымяняцца, паколькі гэта амаральная мера пакарання, заявіў Папа Рымскі Францыск на прэс-канферэнцыі падчас пералёту з Токіа ў Рым.



Папа Рымскі Францыск. Фота: svoboda.org

Папа Рымскі Францыск. Фота: svoboda.org

Як паведамляе naviny.by са спасылкай на ватыканскі партал навінаў Vatican News, адмова ад прымянення смяротнага пакарання, на думку пантыфіка, трэба ўвязваць з «развіццём свядомасці» грамадства.

«Напрыклад, некаторыя краіны не могуць адмяніць яе з-за палітычных праблем. Але яны прыпыняюць яе прымяненне, што з'яўляецца спосабам прысудзіць кагосьці да пажыццёвага зняволення, не выносячы гэты прысуд», — адзначыў ён.

«Аднак любы прысуд павінен прадугледжваць магчымасць рэінтэграцыі, паколькі прысуд без прамяня надзеі з'яўляецца бесчалавечным, — перакананы Францыск. — Нават калі гаворка ідзе аб пажыццёвым зняволенні, трэба думаць, як рэінтэграваць асуджанага да яго чалавека, унутры [месца зняволення] або па-за ім».

Як раней паведамляў БелаПАН, 2 жніўня 2018 году Папа Рымскі Францыск зацвердзіў новую рэдакцыю параграфа № 2267 катэхізіса каталіцкага касцёла, у якім з таго моманту ідзе гаворка аб поўным непрыманні гэтым рэлігійным інстытутам смяротнага пакарання.

17 снежня таго ж года на сустрэчы з дэлегацыяй Міжнароднай камісіі супраць смяротнага пакарання ў Ватыкане пантыфік заклікаў краіны, якія прымяняюць выключную меру пакарання, увесці на яе мараторый, а затым адмяніць яе, нягледзячы на складаныя палітычныя працэсы.

Еўрапейскі саюз, Савет Еўропы і Парламенцкая асамблея АБСЕ неаднаразова заклікалі Беларусь увесці мараторый на смяротнае пакаранне ў якасці першага кроку да поўнай адмены гэтага віду пакарання.

spring96.org