Парады школ самбы ў Бразіліі адклалі з-за ковіда

З-за новай хвалі каронавіруса — распаўсюджання новага штаму «Амікрон» — традыцыйныя карнавальныя парады школ самбы ў Рыа-дэ-Жанейра і Сан-Паўлу пераносяцца на красавік.

Фота з сайта blogspot.com

Фота з сайта blogspot.com

Такое рашэнне прынялі мэры двух найбуйнейшых мегаполісаў Бразіліі. Раней прэфектуры Рыа-дэ-Жанейра і Сан-Паўлу адмовіліся ад правядзення вулічных карнавальных гулянняў.

На мінулым тыдні краіна двойчы абнавіла антырэкорд па колькасці новых выпадкаў заражэння каронавірусам за дзень.

У Бразіліі з насельніцтвам 213 мільёнаў чалавек цалкам прышчэплены ад каронавіруса амаль 148 мільёнаў жыхароў.

Паводле euronews.com