Публікацыя «праслушкі» грамадзян на БТ — не парушэнне

Міністр інфармацыі Лілія Ананіч адказала сустаршыні БХД Паўлу Севярынцу на зварот у справе публікацыі яго тэлефоннай размовы са Змітром Дашкевічам у фільме "Звонок другу", паказаным увесну па БТ.

ananicz_1.jpg

Паводле Ананіч, публікацыя аўдыё прыватнай тэлефоннай размовы ў эфіры дзяржаўнага тэлеканалу не з'яўляецца парушэннем закона. Для нейкіх мер адказнасці ў дачыненні да БТ, падсумоўвае Ананіч, няма падставаў.

— Адказ міністра інфармацыі можна цалкам публікаваць у рубрыцы "Ноў комэнт" — кажа Павел Севярынец, — У цэнтры Еўропы нечакана разгарнулася цэлая пірацкая дзяржава. У вас крадуць вашу прыватную размову, яе выстаўляюць у эфір на агляд мільёнаў, і — барабанная дроб! — урад афіцыйна прызнае гэта абсалютна дазволеным! Застаецца падняць "Вясёлага Роджэра" па-над будынкам Міністэрства інфармацыі на праспекце Пераможцаў, 11 і хорам, усім міністэрствам, зацягнуць песню "Пятнаццаць чалавек на куфар мерцвяка". Капітан Флінт адпачывае.

1506405066_img_36341.jpg

Паводле bchd.info