Салдат тэрміновай службы атрымаў агнястрэльную рану — Мінабароны

Салдат тэрміновай службы падчас «мерапрыемстваў баявой падрыхтоўкі» атрымаў агнястрэльную рану. Гэта прызнала Мінабароны.

Салдат тэрміновай службы атрымаў агнястрэльную рану, пра гэта паведамілі ў Міністэрства абароны Беларусі.

Афіцыйныя беларускія крыніцы распавялі, што «падчас выканання мерапрыемстваў баявой падрыхтоўкі вайсковец тэрміновай службы аднаго з механізаваных падраздзяленняў атрымаў агнястрэльную траўму. У цяперашні час яму аказаная медыцынская дапамога».

Цяпер Мінабароны разам з супрацоўнікамі праваахоўных органаў праводзіць праверку, каб высветліць абставіны таго, што адбылося.

Нагадаем, 22 ліпеня Мінабароны пацвердзіла, што падчас баявой падрыхтоўкі ад агнястрэльнага ранення загінуў салдат тэрміновай службы.