Стачкам «Беларуськалія» абвясціў бестэрміновую стачку

Стачачны камітэт «Беларуськалія» абвясціў бестэрміновую стачку, паведамляецца ў яго Telegram-канале.
Такое рашэнне ў стачкаме прынялі пасля таго, як Мінскі абласны суд прызнаў незаконным страйк на прадпрыемстве. Работнікі патрабавалі прызнаць несапраўднымі мінулыя выбары прэзідэнта, вызваліць затрыманых на акцыях пратэсту і спыніць гвалт у дачыненні да грамадзян.

«Стачачны камітэт працягвае свой пратэст, грунтуючыся на наступным: міжнародны пакт ААН "Аб эканамічных, сацыяльных і культурных правах "<...>, ратыфікаваны Рэспублікай Беларусь. Стачкам аб'яўляе бестэрміновую стачку (адмова ад працы па палітычных матывах) », - гаворыцца ў паведамленні.

Страйкам таксама спасылаецца на артыкул 8 Працоўнага кодэкса Беларусі - «Суадносiны заканадаўства аб працы і нормаў міжнароднага права».

У ходзе судовага працэсу кіраўнікі «Беларуськалія» паведамілі, што з 17 па 18 жніўня шэраг работнікаў не выйшлі на працу або выйшлі, але не прыступілі да выканання сваіх працоўных абавязкаў. Часткова была прыпынена вытворчасць. Дапушчаную за два дні прастою шкоду пастараліся мінімізаваць. У цяперашні час загрузка на «Беларуськаліі» складае 100%, адзначылі на прадпрыемстве.

У жніўні на сябраў страйкаму салігорскага камбіната быў аказаны ціск з боку ўладаў. У выніку шэраг работнікаў атрымалі суткі, пакінулі краіну і пазбавіліся працы.

tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: