Сынковіцкую царкву абрабавалі злодзеі з Расеі

Знакамітую Сынковіцкую царкву абрабавалі злодзеі з Расеі. Пра гэта распавёў настаяцель Сынковіцкай царквы айцец Арсень Ананка.

Па яго словах, міліцыі ўжо вядомы адзін рабаўнік. Гэта раней судзімы Аляксей Валодзін, 1969 года нараджэння, з Варонежа. Вядомы і аўтамабіль на якім рабаўнікі прыязджалі ў Сынковічы. Міліцыя шукае расейскіх рабаўнікоў.

Нагадаем, што ўночы, 4 траўня, невядомыя асобы ў масках абрабавалі старажытны 600-гадовы храм Беларусі — Сынковіцкую царкву Зэльвенскага раёна. Злодзеі спілавалі жалезныя краты на вокнах і залезлі ў храм. Яны з вядомай іконы “Усецарыца” скралі залатыя і срэбныя ўпрыгожванні і зніклі ў невядомым накірунку.
Паводле racyja.com