Тэлевядучы Дзяніс Дудзінскі вырашыў вярнуцца ў Кіеў. Раней ён вывез жонку ў бяспечнае месца

Беларускі шоўмэн Дзяніс Дудзінскі сустрэў вайну ў Кіеве, дзе жыў пасля вымушанай эміграцыі з Беларусі разам з жонкай Кацярынай Раецкай. Пасля пачатку расійскай агрэсіі пара выехала ў бяспечнае месца, а потым тэлевядучы вырашыў вярнуцца. Пра гэта ён паведаміў у Фэйсбуку.

«Вяртаюся ва Украіну, у Кіеў. Так трэба. Я яму абяцаў», — напісаў Дзяніс Дудзінскі. З якой мэтай ён вырашыў вярнуцца, вядучы не патлумачыў.

Кіеў зараз напалову ў аблозе і рыхтуецца да абароны. Як мяркуецца, наступ расійскіх войскаў можа пачацца неўзабаве.