У аэрапорце Мінска затрыманы экс-кіраўнік адміністрацыі Стаўрапаля

У Нацыянальным аэрапорце «Мінск» 10 студзеня пры афармленні рэйса «Мінск-Стамбул» затрыманы экс-кіраўнік адміністрацыі Стаўрапаля Ігар Бястужы, які прад'явіў беларускім памежнікам пашпарт грамадзяніна Расійскай Федэрацыі з прыкметамі частковай падробкі.

«Падчас далейшага разбіральніцтва высветлілася, што ў затрыманага пры сабе быў сапраўдны ўнутраны пашпарт грамадзяніна Расіі, аднак выезд за межы краіны яму абмежаваны. Як аказалася, мужчына з'яўляецца экс-кіраўніком адміністрацыі Стаўрапаля і ў 2014 годзе быў прысуджаны да дзевяці гадоў калоніі па абвінавачванні ў хабарніцтве», — цытуе паведамленне Дзяржпагранкамітэта РБ АФН.

«Пасля ўмоўна-датэрміновага вызвалення, якое прадугледжвае абмежаванне права на выезд за мяжу, ён спадзяваўся з'ехаць за мяжу і скарыстаўся падробленым дакументам», — сказана ў паведамленні.

У дачыненні да затрыманага ўзбуджаная крымінальная справа па арт. 380 КК РБ, мужчына перададзены супрацоўнікам Следчага камітэта.